કેવી રીતે થયુ કૃષ્ણના માતા-પિતનુ મૃત્યુ? જાણો
મહાભારતના યુદ્ધને ન્યાયયુદ્ધ પણ કહેવામાં આવે છે. આ યુદ્ધમાં માત્ર કૌરવો અને પાંડવોનું યુદ્ધ નહોતું પરંતુ ધર્મ અને અધર્મનું યુદ્ધ પણ હતું. મહાભારતના યુદ્ધમાં, શ્રી કૃષ્ણએ ધર્મની સ્થાપના માટે સારથિ બનવાનું સ્વીકાર્યું હતું, પરંતુ જો તમે નોંધ કરો તો, શ્રી કૃષ્ણએ યુદ્ધ માટે શસ્ત્રો ઉપાડ્યા ન હતા, પરંતુ તેમ છતાં તેમને યુદ્ધના સૌથી ખરાબ પરિણામો ભોગવવા પડ્યા હતા. પોતાના પુત્રના વિયોગમાં ગાંધારીએ તેને શ્રાપ આપ્યો, જેના કારણે યદુવંશીઓનો નાશ થયો. યુદ્ધ ઉપરાંત, ક્યારેક મનમાં વિચાર આવે છે કે શ્રી કૃષ્ણના કઋક્ષેત્ર ગમન બાદ તેમના માતા-પિતાનું શું થયું હશે?
ચાલો જાણીએ ભગવાન કૃષ્ણના માતા-પિતાનું મૃત્યુ કેવી રીતે થયું?
ગાંધારીએ શ્રી કૃષ્ણને શ્રાપ આપ્યો
મહાભારતના યુદ્ધ પછી જ્યારે શ્રી કૃષ્ણ ગાંધારીને મળ્યા ત્યારે તેમણે કૌરવ ભાઈઓના મૃત્યુના સમાચાર તેમની માતા ગાંધારીને આપ્યા, પુત્રોના મૃત્યુના સમાચાર સાંભળીને ગાંધારીએ શોક વ્યક્ત કર્યો. શોકની સાથે સાથે તેમના મનમાં શ્રી કૃષ્ણ માટે ઘણો ક્રોધ હતો. તે ગુસ્સામાં શ્રી કૃષ્ણની પાસે આવ્યા અને કહ્યું, ‘તમે ભગવાન છો, તમે બધું જાણતા હતા પણ તમે કંઈ રોકવાનો પ્રયાસ કર્યો ન હતો. મારું કુળ નાશ પામ્યું છે, તેની સજા તમને મળવી જ જોઈઅે , તામારું કુળ પણ નાશ પામશે. તમારા કુળના બધા ભાઈઓ એકબીજા સાથે લડતા મરી જશે. ગાંધારીનો શ્રાપ સાંભળીને શ્રી કૃષ્ણ હસ્યા અને દુઃખી માતાનો શ્રાપ સ્વીકારી લીધો. તે જાણતા હતા કે આ સમયે ગાંધારીની બુદ્ધિ પુત્રની આસક્તિમાં અસ્થિર છે, તેથી તે કંઈપણ સમજી શકશે નહીં.
ગાંધારીના શ્રાપ ની અસર અને શ્રી કૃષ્ણ નું મૃત્યુ
થોડા વર્ષો પછી, ગાંધારીના શ્રાપની અસર થઈ અને યાદવો વચ્ચે યુદ્ધ થયું, જેમાં યાદવ વંશનો નાશ થયો. બીજી બાજુ, એક પારધી એ શ્રી કૃષ્ણને હરણ સમજીને તીર ચલાવ્યું, જેના કારણે શ્રી કૃષ્ણના આખા શરીરમાં ઝેર ફેલાઈ ગયું અને તે મૃત્યુ પામ્યા. વાસ્તવમાં, શ્રી કૃષ્ણને તેમના આગલા જન્મનું ફળ મળ્યું હતું જ્યારે તેમણે શ્રી રામના રૂપમાં વાલીને છેતર્યા હતા.
વાસુદેવ અને દેવકીનું મૃત્યુ
જ્યારે વસુદેવને શ્રી કૃષ્ણના મૃત્યુના સમાચાર મળ્યા, ત્યારે તેઓ તેમના પુત્રનો વિયોગ સહન ન કરી શક્યા અને તેમનું મૃત્યુ થયું. તે જ સમયે, દેવકીએ પણ તેના પતિના મૃત્યુથી વિચલિત થઈને પોતાનો જીવ છોડી દીધો. પૌરાણિક કથાઓ અનુસાર, દેવકીને વાસુદેવની ચિતામાં બાળીને રાખ કરવામાં આવી હતી.
