તારક મહેતા કા ઉલ્ટા ચશ્મા નાં એક એક્ટર કર્જ માં ડૂબી અને બની ગયા ચોર, પોલીસે જપ્ત કર્યો લાખો નો સામાન
ટીવી ઈન્ડસ્ટ્રી માં વર્ષો થી એક શો તેની ચમક ફેલાવી રહ્યો છે. અમે વાત કરી રહ્યા છીએ સૌથી પ્રખ્યાત કોમેડી શો “તારક મહેતા કા ઉલ્ટા ચશ્મા કી” તાજેતરમાં જ આ શોને લગતા એક મોટા સમાચાર સામે આવ્યા છે. આ શો નાં એક એક્ટરની ચોરી નાં કેસમાં ગુજરાત પોલીસે ધરપકડ કરી છે. આ અભિનેતા પર ચેન સ્નેચિંગનો આરોપ છે. માહિતી મુજબ આરોપીનું નામ મીરાજ છે. અને તે જુગાર રમે છે. તે કારણ થી તેના પર લાખો નું દેવું પણ છે.
એક ન્યુઝ પોર્ટલ અનુસાર, આ અભિનેતાનું પૂરું નામ મીરાજ વલ્લભદાસ કાપડી છે. પોલીસે તેને તેમની કસ્ટડીમાં લીધા છે. પોલીસે આ અભિનેતા પાસેથી ૩ સોનાની ચેન, ૨ મોબાઈલ ફોન અને ચોરી કરેલી મોટરસાયકલો મેળવી છે. આ કેસમાં એવું બહાર આવ્યું છે કે, મિરાજ સામે આ કોઈ પહેલો કેસ નથી. તે એક ગુનેગાર છે.
આ સાથે પોલીસે મીરાજની સાથે અભિનેતા નાં મિત્ર વૈભવ બાબુ જાધવની પણ ધરપકડ કરી છે. આ કેસમાં જાણવા મળ્યું છે કે, આ કેસની માહિતી મળ્યા બાદ પોલીસે એક ટીમ બનાવીને તેને પકડી લીધો હતો. પોલીસે રાંદેર ભેસન ચોકડી પરથી બંનેને પકડી પાડ્યા હતા. પોલીસને આ બંને પાસેથી કુલ ૨ લાખ ૫૪ હજાર રૂપિયા મળી આવ્યા છે. આ બંને ચોર ગુજરાત નાં જૂનાગઢ નાં રહેવાસી છે.
આ સાથે તેની જાણકારી સામે આવી છે કે, મિરાજ પર ૨૫ થી ૩૦ લાખ રૂપિયા નું કર્જ છે. તેને સટ્ટો રમવાની આદત છે. ક્રિકેટ મેચ પર સટ્ટો લગાવતા મિરાજ પર લાખો નું કર્જ છે. આ દેવા નાં કારણે મીરાજ અને તેના સાથીઓ મહિલાઓને પોતાનો શિકાર બનાવતા હતા. આ સાથે બંનેએ પોતાનો ગુનો પણ કબૂલ્યો છે. આરોપીઓએ જણાવ્યું હતું કે, તેઓએ લાખો રૂપિયાની લોન લીધી હતી. પોલીસે જણાવ્યું કે, આરોપીઓ હંમેશાં વૃદ્ધ મહિલાઓને નિશાન બનાવતા હતા. અને ચેન સ્નેચિંગ માટે ચોરી કરેલી બાઇકનો ઉપયોગ કરતા હતા.
આશ્ચર્યની વાત એછે કે, મિરાજ અભિનય પણ સારો કરે છે. ઘણી સિરિયલો માં નાના-મોટા પાત્રમાં જોવા મળ્યા છે. તે “સંયુક્તા” , “થપકી, “મેરે અંગને મેં” જેવી અનેક ડેલી શોપ માં કામ કરી ચૂક્યા છે. તેની સાથે જ “તારક મહેતા કા ઉલ્ટા ચશ્મા” માં પણ અભિનય કર્યો છે. તે શિક્ષિત છે અને બી.કોમ. ની ડીગ્રી ધરાવે છે. એટલું જ નહીં મુંબઈ અંધેરી સ્થિત મહાડા માં રહે છે. ફિટનેસ ટ્રેનર નાં રૂપમાં પણ કામ કરે છે. હાલ અભિનેતા પોલીસની હિરાસતમાં છે. અને પોલીસ આગળ તપાસ કરી રહી છે. આ સમાચાર આવ્યા પછી શોના ચાહકો ચોંકી ઊઠ્યા છે.
