પાણીમાં ફસાઈ જાય વાહન તો અપનાવો આ ટિપ્સ, સુરક્ષિત બહાર નીકળવામાં મળશે મદદ

દેશના ઘણા વિસ્તારમાં ખૂબ જ વરસાદ વરસી રહ્યો છે. દરેક જગ્યાએ પાણી ભરાઈ ગયા છે. આ સ્થિતિમાં ટ્રાફિકની સુવિધા અટકી પડે છે. ત્યાં સુધી કે લોકોને ચાલીને પણ ઘરથી બહાર નીકળવું મુશ્કેલ બની જાય છે. ઘણીવાર કોઈ વિસ્તારમાં પાણી ભરાયેલા હોવાથી લોકો કામના કારણે વાહન લઇને બહાર નીકળતા હોય છે પરંતુ આગળ જઈને તે પાણીમાં ફસાઇ જતા હોય છે. જો તમારી સાથે પણ એવું બને છે તો અહીંયા બતાવવામાં આવેલી ટિપ્સ તમને મદદગાર સાબિત થઈ શકે છે.

સ્પીડ બિલકુલ ઓછી રાખો

ઘણીવાર લોકોને એવું લાગતું હોય છે કે પાણી ઓછું ભરાયેલ છે અને તે તેને પાર કરી લેશે. પરંતુ પાણી ભરાયેલ જગ્યામાથી વાહન લઇને નીકળું સરળ હોતું નથી. તમારી એક ભૂલ પણ તમને ભારે પડી શકે છે. જો ક્યારેય પણ આવી સ્થિતિમાં ફસાઈ જાવ તો સૌથી પહેલા વાહનની સ્પિડ ઓછી કરી નાખો અને તે જોવો કે મોટા વાહનના પૈડા પાણીમાં કેટલા ડૂબી રહ્યા છે. ત્યારબાદ જ પહેલા ગેરમાં વાહન ચલાવીને ધીમે ધીમે પાણી ભરાયેલ જગ્યામાંથી પસાર થાઓ.

અચાનક બંધ થવા પર એન્જિન પર ના આપો દબાણ

પાણી ભરાયેલ જગ્યામાંથી પસાર થતા સમયે જો અચાનક વાહન બંધ પડી જાય તો એન્જિન પર દબાણ આપીને વાહનને બહાર કાઢવાનો પ્રયત્ન કરો. આજકાલ ખાસ કરીને ડીઝલ વાળા એન્જિન ખૂબ જ સેન્સિટિવ હોય છે. જેના લીધે તેમાં પાણી સરળતાથી ઘૂસી જાય છે. તેને ઠીક કરવામાં ખૂબ જ ખર્ચો આવી શકે છે. આવી સ્થિતિમાં કોઈની મદદ લઈને વાહનને પાણીમાંથી બહાર કાઢો અને તેને ચાલુ કરતા પહેલા કોઈ સારા મિકેનિકને પણ બતાવી દો.

કારના દરવાજા સુધી પાણી આવી જવા પર આગળના વધો

જો પાણી કારના દરવાજા સુધી આવી ગયું છે તો આગળ વધવું જોઇએ નહી. તેને કોઈ જગ્યાએ સાઈડમાં પાર્ક કરીને તમારે પોતે બહાર નીકળી જવું જોઈએ. પાણીનું સ્તર વધારે વધવાના કારણે તે કારની અંદર પણ ભરાઈ શકે છે. જેનાથી ઇલેક્ટ્રોનિક વાયરીંગમાં શોર્ટ સર્કિટ થવાનો ભય રહે છે અને કારની સેન્ટર લોક સિસ્ટમ કામ કરવાનું બંધ કરી દે છે. આ સ્થિતિમાં કાર પાર્ક કરીને તેમાંથી બહાર નીકળી જવું જોઈએ.

કાર લોક થઈ જવા પર હેડરેસ્ટનો કરો ઉપયોગ

જો શોર્ટ સર્કિટ કે કોઈ અન્ય કારણથી વાહનના દરવાજા કે બારીઓ કામ કરવાનું બંધ કરી દે તો આ સ્થિતિમાં તમારે સીટની ઉપર લગાવેલ હેડરેસ્ટને કાઢી લેવું જોઈએ અને તેનાથી બારીનો કાચ તોડવાનો પ્રયત્ન કરવો જોઈએ. તમારી જાણકારી માટે જણાવી દઈએ કે હેડરેસ્ટનો એક ભાગ ખૂબ જ શિક્ષણ હોય છે કારણકે તેની જરૂર પડવા પર તેનો ઉપયોગ કરી શકાય. આ વાતનું ધ્યાન રાખો અને રાહ જોયા વગર વાહનમાંથી બહાર નીકળી જવું જોઈએ.

AC બંધ રાખો

પાણીમાં ફસાયેલ હોવ તો વાહનમાં લગાવેલ એરકન્ડિશન (AC) ને ચાલુ ના કરો. તેને બંધ કરીને બારીના કાચ થોડા ખોલી નાખો. એસી ચાલુ હોવાથી પાણી એન્જિનમાં સરળતાથી અને જલ્દી ઘૂસી શકે છે. જેનાથી વાહન બંધ થવાનો ડર રહે છે. તેના સિવાય સેન્ટર લોક સિસ્ટમને સ્વિચ ઓફ કરી દો કારણ કે એન્જિન બંધ થવા પર તે કામ કરવાનું બંધ કરી દે છે. આ ટિપ્સની મદદથી તમે સુરક્ષિત રહી શકો છો.