નિયમિત રૂપથી ગોળ અને દહીનું સેવન કરવાથી કાયમી માટે અઢળક રોગો માંથી છુટકારો મળી જશે
દહીનું સેવન શરીર માટે ખૂબ જ ફાયદાકારક હોય છે. તેમાં મોટી માત્રામાં પોષક તત્વો મળી આવતા હોય છે. દહીં સાથે ગોળ ઉમેરીને જો ખાવામાં આવે તો તેનાથી દહીની તાકાતમાં વધારો થઈ જાય છે. હકીકતમાં ગોળમાં પ્રચુર માત્રામાં આયરન હોય છે. દહીં અને ગોળ જ્યારે એક સાથે ભળી જાય છે તો તે શરીર ઉપર ગજબનો પ્રભાવ બતાવે છે.
એવું પણ કહી શકાય છે કે જો ગોળ અને દહીંને એકસાથે મિક્સ કરીને તેનું સેવન કરવામાં આવે તો તેના ફાયદા બમણા થઇ જતા હોય છે. અહી અમે તમને જણાવવા જઇ રહ્યા છીએ કે જો તમે દહીં અને ગોળને મિક્ષ કરીને તેનું સેવન કરો છો, તો તેનાથી તમારા શરીરને ક્યા-ક્યા લાભ મળે છે. દહીં સાથે ગોળ ખાવાથી ફક્ત તમારું પેટ સ્વસ્થ નથી રહેતું, પરંતુ તમને અન્ય સ્વાસ્થ્ય સંબંધી પરેશાનીઓ માંથી પણ છુટકારો મળી જતો હોય છે.
વજન ઘટાડવામાં મદદગાર
સ્થૂળતાને કારણે જો તમે પરેશાન છો અને ઘણી બધી કોશિશ કરવા છતાં પણ તમે પોતાનું વજન ઘટાડી શકતા નથી, તો એવામાં તમારે ગોળ અને દહીંનું સેવન કરવું જોઇએ. તે તમારા શરીર માટે ખૂબ જ ફાયદાકારક સાબિત થઈ શકે છે. જો તમે નિયમિત રૂપથી દહીં અને ગોળ મિક્સ કરીને તેનું સેવન કરો છો, તો તમને થોડા દિવસોમાં જ તેનું અંતર જોવા મળશે.
શરદી અને ખાંસીમાં લાભદાયક
હાલના સમયમાં એવું વાતાવરણ ચાલી રહ્યું છે જેના કારણે મોટાભાગના લોકોને શરદી અને ખાંસીની સમસ્યા થતી હોય છે. બદલતી ઋતુમાં આપણે ઘણા પ્રકારની બીમારીઓના શિકાર બની જતા હોય છીએ. દહીંની સાથે ગોળનું સેવન કરવાથી ખાંસી અને શરદી જેવી સમસ્યા દૂર રહે છે. ગોળમાં મળી આવતા પોટેશિયમ, આયરન, કેલ્શિયમ, મેગ્નેશિયમ, મેંગેનીઝ અને કોપર શરદી અને ખાંસી તમારી રક્ષા કરે છે. વળી દહીમાં રહેલ હેલ્ધી બેક્ટેરિયા તમારી રોગપ્રતિરોધક ક્ષમતા વધારવામાં મદદ કરે છે.
પીરિયડ્સનાં દુખાવામાં આરામ
મહિલાઓને દર મહિને માસિક ધર્મનાં દુખાવા માંથી પસાર થવું પડતું હોય છે. જેમાં અમુક મહિલાઓ આ દુખાવો સહન કરી લેતી હોય છે, તો અમુક મહિલાઓ માટે આ દુખાવો અસહ્ય હોય છે. જો તમને પણ માસિક ધર્મ સમય દરમ્યાન અસહ્ય પીડા થતી હોય અને તમે તેમાં રાહત મેળવવા માંગતા હોય તો તમારે એક વાટકા દહીંની સાથે ગોળનું સેવન નિયમિત કરવું જોઈએ. તે સિવાય પણ જો તમને સામાન્ય પેટમાં દુખાવો રહેતો હોય તો તેમાં પણ રાહત પહોંચાડે છે.
એનિમિયા ઘટાડે
એનિમિયા મહિલાઓમાં સૌથી મોટી સમસ્યા હોય છે. એનીમિયા એક બીમારી છે, જેનાથી શરીરમાં લોહીની ઉણપ થવા લાગે છે. દહીં અને ગોળ એક સાથે ખાવાથી શરીરમાં લોહીનું પ્રમાણ વધે છે અને એનેમિયા જેવી બીમારીથી બચી શકાય છે.
ગોળનાં ફાયદા
- ગોળમાં રહેલ એન્ટિઓક્સિડન્ટ શરીરને ફ્રી રેડિકલ્સને નુકસાનથી બચાવે છે, જેનાથી તમને આગળ ચાલીને સ્વાસ્થ્ય સંબંધી પરેશાનીઓ થતી નથી.
- ગોળ ખાવાથી આપણા શરીરની પ્રાકૃતિક રૂપથી સફાઈ થઈ જતી હોય છે.
- ગોળ આપણા આંતરડાંને મજબૂત બનાવે છે.
- શરીરના તાપમાનને નોર્મલ જાળવી રાખવા માટે તથા શ્વાસ સંબંધી બીમારીઓને દૂર રાખવા માટે ગોળ ફાયદાકારક છે.
- ગોળ શરીરમાં લોહીને શુદ્ધ કરીને હીમોગ્લોબિનની માત્રામાં વધારો કરે છે.
દહીંનાં ફાયદા
- દહી કૅલ્શિયમ અને ફૉસ્ફરસ થી ભરપૂર હોય છે, જે આપણા દાંત માટે ખૂબ જ સારું માનવામાં આવે છે.
- દહીં એક પ્રોબાયોટિક ખાદ્ય પદાર્થ છે, જેમાં રહેલા જીવાણુઓ આપણા શરીર માટે ફાયદાકારક હોય છે અને તેનાથી આપણી રોગ પ્રતિરોધક ક્ષમતામાં વધારો થાય છે.
- દહીં ખાવાથી પાચનતંત્ર તંદુરસ્ત બને છે.
- એક વાટકો દહીં આપણા પેટને લાંબો સમય સુધી ભરેલું રાખે છે, જેનાથી આપણને વજન ઘટાડવામાં પણ મદદ મળે છે.
